هاجم المؤلف والمخرج عمرو سلامة القنوات الفضائية على صفحته بـ«فيس بوك»، وذلك بسبب تجاهلها حقوق المبدعين في هذه الأعمال وعدم عرض تترات المسلسلات بسب الإعلانات، حيث كتب: «غير إن كل إعلانات المسلسلات إذا كانت على التليفزيونات أو على النت أو في الشوارع مافيهاش لا اسم المخرج ولا المؤلف ولا حتى المنتج ومجرد صورة للفنانين فقط - وده ممكن يكون مفهوم نسبياً حتى بدون بوستر يكون بيوضح فكرة العمل أو تيمته زي ما بيحصل في أي حته في العالم».وأضاف: «القنوات كمان وصل بيها إنها بتعرض في الساعة ٢٠ دقيقة من المسلسل و٤٠ دقيقة إعلانات، بس في نفس الوقت مستخسرين يعرضوا أربع دقايق تترات فيها طاقم العمل اللي طلع عين أهله وهو شغال على المسلسل.. أعتقد أن كل الناس عندها حق معنوي والحق ده بيتم إهداره بشكل. .ماعرفش الحق ده يرجع إزاي وإيه الجهة اللي ممكن تتدخل بس أكيد في جهة ما مقصرة حتى لو كانوا الفنانين اللي سايبين حقهم يروح.أنا سمحت لنفسي أكتب كلام زي ده لإني ماشتغلتش في أي مسلسل فمعنديش حرج إن الموضوع يبان شخصي وأتمنى من الناحية الأخلاقية البحتة القنوات تصلح الغلط ده».