أعربت الفنانة ملاك الكويتية - على حسابها على موقع تبادل الصور "إنستقرام"- عن غضبها الشديد من إساءة بعض المتابعين لها في تعليقات من سب وقذف. وعلقت الكويتية: "منو قالكم إن الفنان إذا سبيتوه لازم يسكت، لا على فكرة الفنان إنسان وعنده إحساس وإحساسه أعلى من أي بشر عادي، أنا طوفت مرة ومرتين واحترمت وايد ناس لأجل ناس، يعني على قولة المثل "لجل عين أكرمت مدينة"، بس مع الأسف هالمدينة ما تستاهل الطيب، لأن مهما أقول كلام زين يرجع عليّ بالشين، بس توصل تغلطون على أهلي وأبوي المتوفى وديرتي والخليج لا ما راح أسكت". تابعت "شنو أسوي بحياتي الشخصية، هذا شي خاص فيني ولا أحد بالكون له حق يحاسبني عليه طالما ما تعديت على حق أحد، واللي يسبني راح اسبه واسب أهله إللي ربوه واسب وطنه إلى طلع هالنماذج، احترم تحترم والبادي أظلم وأنا ما أخاف ولا بحياتي تعلمت الخوف وأحط صبعي بعين من يتعدى حدوده معاي اذا أنا غلطت بحق نفسي ونزلت نفسي لناس ما تسوى انا اعترف بهذا الشي وأعتذر لنفسي واحب اقولكم أني صحيت من الغفله إلى كنت فيها والحفرة إلى نزلت روحي فيها، وياما ناس نصحوني اني ابتعد عن هالناس المنافقين بس ما كنت اسمع الكلام بس ما في إنسان ماي غلط".. أكملت: "الحمد لله وعيت وعرفت أن هالنماذج ما تنعطى وجه أصلا أنا وين وهم وين وأرجع واقول الفنان بعد إنسان إلى يغلط راح ارجعله الكلمة بألف واللي يريد يهين نفسه يغلط ويتلقى الرد واذا انتو تشوفون الفنان لازم يكون قدوه وما يسب ولا يغلط انا راح اخلي الناس تغتدي بشي جديد لحد يسكت عن حقه والساكت عن الحق شيطان اخرس والعين بالعين والسن بالسن والبادي اظلم وبسرعة سوولي انفولو غير هذا الكلام ما عندي ونقطة عالسطر". وشاركت الفنانة ملاك الكويتية في مسلسل "أغراب" بطولة كل من جاسم النبهان، أمل عباس، حسن محمد، أسمهان توفيق، منصور الفيلي، شهاب حاجية، ومن تأليف ضيف الله زيد، وإخراج حسين أبل، ومن المقرر عرضه العام الجاري. [more_vid id="FU9eVv2g2S3pErathJZW5g" title="ملاك الكويتية تعلن عن زواجها من شاب عراقي اسمه علي في لبنان" autoplay="1"]