أطلقت الفنانة السورية أصالة، أحدث أعمالها الغنائية التي تحمل اسم «سوريا جنة» عبر قناتها بموقع الفيديوهات «يوتيوب» وتتضامن من خلالها مع أحداث سوريا مشيرة إلى أن هناك الكثير من المشاعر المختلطة التي دفعتها لهذا العمل.
استمتع بالاغنية واضغط من هنا
وأغنية سوريا جنة لـ أصالة، من كلمات : بتول زيدان – يارا أحمد ولحن وتوزيع : على حسون ومكس وماستر : جاسم محمد واشراف عام : أ/ فائق حسن.
وتقول كلمات الاغنية
ارفع راسك فوق
انته سوري حر
سورية جنة
والفرح سوري
يا ياسمينة
معانقه الجوري
منكتب ع حيطانك منحبك
يا وطني الغالي منحبك
سوريا وحدة وللكل
من هالارض ما منفل
مافي حدا يفرقنا
منراهن ع وحدتنا
من الاول قلنا ومنعيد
والأرض لشعبا بتضل
النا الارض النا الدار
و ال بيحبو بلادي كتار
بهمتهن منعمرها
ومنجبر بيخاطرها
منقلبها أحلى جنة
ومثلها بهل الدنيا ما صار
ارفع راسك فوق
انته سوري حر
وكشفت أصالة عبر حسابها الرسمي بموقع تداول الصور والفيديوهات «إنستجرام» عن سعادتها باطلاق هذه الأغنية، قائلة: «مشاعر مختلطه كلها قوية خوف أولاً من إنه ينسى الواحد فينا شو كنا وشو أصلنا.. نحنا كل أهل سوريا بنشبه أهل الحارة اللي بكل العالم ما في من هيك حاره الناس».شاهد بالضغط من هنا
وأضافت أصالة: «فيها مخلوطين من ديانات مختلفة وثقافات مختلفة وبساطة وشهامة ومحبة وتسامح وتسامح وتسامح وما في شي حيخلينا نتجاوز ونكبر ونحقق ونعلى غير التسامح ومارح نقول مو وقتها لسه الجرح طازه! رح نقول نحنا أهل سوريا العظيمة الطيبة سوريا التاريخ اللي بيعشقها»
وتابعت: «شعبها ودفع دمّه فداها ما بدنا نكمل مشوار كله دم وكله قهر وبيرجعنا أكتر وبيقهرنا أكتر لأننا بالآخر هون عنا أهل وحبايب وهون عنا أهل وحبايب وبدنا نتوحد وبدنا نعمر ها لبلد الحلوة اللي ما في أحلى من ترابها وشجرها وبيوتها وأهلها الطيبين الحناين، راهنت وبراهن على نجاحنا».
وتابعت: «إنه الوجع وقف وإنه الفرقة وقفت ومن هون رح نبدى مارح نتطلّع عالماضي وكل واحد فينا رح يعمل شغله ورح نتأمّل خير ورح نتطلّع بألله ورح نترجاه مابقى بدنا وجع بدنا كلنا نكمل بعض بدنا سوريا تلحق وتعمّر وتكمّل وتسبق بدنا سوريا ما فيها ظلم ما فيها خوف فيها الياسمين بيغوى».
