شاركت الفنانة مي كساب جمهورها، عبر حسابها الرسمي على "إنستقرام"، بصورة لها جمعتها بزوجها مغني المهرجانات "أوكا"، ووجهت له من خلال تعليقها على الصورة رسالة رومانسية بسبب ألبومها الجديد. وقالت "مي": "أنا هانام وأنا فرحانة جدًا النهارده ألف حمد وشكر لله، فاضلي أغنية واحدة واخلص الألبوم اللي بقالنا ٤ سنين بنشتغل فيه، حاسة إحساس حلو قوي بقالي سنين ما حستهوش، ومتفائله جدًا وحاسة إن ربنا هيكتبلنا النجاح والتوفيق على أد تعبنا، باشكر من قلبي كل الناس اللي وقفت معانا عشان نخلص الألبوم ده شعراء وملحنين وعازفين ومهندسي الصوت، وطبعا أخويا محمد حسين اللي طول الوقت بيساعدني، ورامز سليمان الجدع، وهاني عزيز المحترم، اللي قدمولي كل الدعم عشان أخلص الألبوم". وتابعت: "وفِي النهايه جوزي حبييي بحبك حب كبير قوي ربنا وحده اللي عالم، أنت جوايا إزاي، فرحانة بيك وليك، ربنا يخليك لينا ودايما ضهر وسند ليه، ألبومي كله توزيع موسيقي ورؤية فنية أوكا، يارب ادينا على أد تعبنا، (أنا لسه هنا) قريبًا بالأسواق 2019". الجدير بالذكر أن مي كساب، انضمت مؤخرًا لأسرة فيلم الطيب والشرس واللعوب، ومن المفترض أن تبدأ تصويره خلال الفترة المقبلة بعد الاستقرار على باقي فريق العمل، كما انتهت مؤخرا من تسجيل أغنيتها الجديدة، التي ستجمعها بالنجم مجد القاسم، والذي كان سببا في انطلاقتها الفنية في عالم الغناء. وانتهت "مي" كذلك، من تصوير أغنية "يا نحلة"، من كلمات وتلحين عزيز الشافعي، وتوزيع أوكا، وهندسة صوتية جورج يعقوب، وإخراج كامبا، وإنتاج مصطفى السويفي، ومدير تصوير سامح فوزي. [more_vid id="z5eMCB8dsxR7Gn5BaVRxog" title="مي كساب كلمة من عندك من مبادرة بيتك بإيدك" autoplay="1"]