علق الفنان تامر حسني، على تصريحات معالي المستشار تركي آل الشيخ، رئيس هيئة الترفيه في المملكة العربية السعودية، بأن فيلمه الذي يحمل عنوان بحبك حقق أرقام قياسية مسجلة في عام 2022 بما يقارب مليار جنيه.

شاهد من هنا

وكتب تامر حسني، عبر حسابه الشخصي تويتر: خالص الشكر لمعالي المستشار تركي آل الشيخ.. نصرتني يا أبو ناصر.. بعيدًا طبعا عن أن الرقم ده بيروح لموزعين الخارج عشان محدش يفتكر أن المنتج أو الأبطال بياخدوا الرقم ده.. لأ ده رقم بيتوزع على موزعين الخارج في العالم كله.. والفنان له أجر ثابت.

وتابع تامر حسني: المهم الكثير كان بيشكك في ايراداتي و كتير انتقدوا الفيلم قبل ما ينزل لمجرد انه تأليفي و إخراجي و موسيقتي التصويريه كنت مأجل بوست احتفالي معاكوا بنجاح فيلم بحبك اللي عدا عليه سنتين حتى تعلن الجهه المختصه عن رقمه القياسي تيجي بقى من ابو ناصر نفسه امام العالم كله ليثبت ان كان كلامي صح و اني مش بقول غير الحق ولا مضطر اقول غير الحق و طبعاً ده غير ايرادات الفيلم في مصر و باقي دول العالم.

واختتم رسالته:"كل الشكر للجمهور الطيب الغالي في مصر و السعوديه و الوطن العربي كله و العالم شكراً لكل ابطال العمل و صُناعُه و منتجينه اللي صدقوني و دايماً في ضهري شكراً معالي المستشار تركي آل الشيخ ،،نورت مصر بلدك الثانيه بجد انا دلوقتي اقدر أحتفل معاكم بنجاح اول فيلم من إخراجي الحمدلله".