أحيت الفنانة ياسمين علي أمس الأربعاء، حفلاً غنائيا على مسرح قاعة الاحتفالات الكبرى بجامعة القاهرة بحضور عدد كبير من الطلاب. وبدأت "ياسمين" الحفل بباقة من ألمع أغانيها وأغاني قديمة أيضًا، ومنها "مشربتش من نيلها"، ثم أغنية "سالمة يا سلامة" التي لاقت تفاعلًا كبيرًا من طلاب الجامعة. وتلقت ياسمين علي رسالة حب من إحدى طلاب الجامعة على ورقة مكتوب عليها: "أنا بحبك موت.. أنتي أصلا عسل كده وحلوة أوي ربنا يفرح قلبك دايما.. وتفضلي في تقدم على طول.. بحبك.. مي 10/4/2019 مي". [rotana_image_gallery rig_images_ids="746856,746857,746858,746860,746861,746862,746863,746864,746865"] لترد ياسمين: "من أحلي الحاجات اللي بتحصلي.. وصلتني رسالتك يا مي وانا كمان بحبك بقي.. شكرا يا مي". وأعربت ياسمين علي عن سعادتها الغامرة بالحفل حيث قالت: "من حفلة امبارح بمسرح القبة بجامعة القاهرة.. كنت فرحانة اوى باليوم ده وانفعالاتهم بكل اغنية مبسوطة ان الجيل اللي بيقولوا عليه ما بيسمعش غنا وما بيفهمش ف الموسيقي وكنت مراهنة عليهم انهم بيسمعوا كويس لانهم مع كل اغنية خاصة القديم بلاقيهم حافظينها كويس جدا وعرفينها بالموسيقي بتاعتها شكرا ان انتوا اد الرهان وارجوكم اسمعوا كمان وكمان". وأضافت "فشكرا لكل الطلبة اللي حضروا شكرا لادارة الجامعة وبالأخص رئيس الجامعة د.محمد الخشت.. شكرا لفرقتي الموسيقية وشكرا اللي كانوا معايا وف ظهرى طول اليوم.. عقبال كل حفلة". وطرحت الفنانة ياسمين علي، حديثًا «دويتو» غنائيا جديدًا، مع المطرب سليم عساف، بعنوان «ملاك وشيطان»، وهي أولى أغانيها الثنائية، ومن كلمات وألحان سليم عساف، وتوزيع رامي سمير، ومهندس صوت خالد سند. [more_vid id="b27c1XteoFp4zA0s9dn1A" title="بروفات ياسمين علي استعدادا لحفل جامعة طنطا" autoplay="1"]