فاجأت الفنانة اللبنانية ديانا حداد الجميع، بخروج وابل من التغريدات لتخرج عن صمتها وأعطت من خلالها درساً كبيراً للمنتقدين دون أن توضّح السبب الذي جعلها تغضب بهذا الشكل. وقالت ديانا في بداية تغريداتها: "استغرب من الناس اللي بتنتقد على الطالع والنازل ما يشوفوا حالهم، وهم الغلط كاسيهم من رأسهم لساسهم، عالم مريضة". وتابعت: "على فكرة اللي بيته من زجاج ما يرشق الناس بحجارة، إذا أنتم فاشلون ما ترموا فشلكم علينا، ولا تحاولوا تتسلقوا على حساب حدا أكتافنا، وللعلم ما حدا كامل بالدنيا الكمال لله سبحانه وتعالى، وجل من لا يخطئ فما يقعدوا يعملولنا فيها أنهم فاهمين وهني افشل ناس". وواصلت ديانا هجومها قائلة: "وإذا مفكرين أنه الطيب والمحترم الحمدلله ما بيعرف يأخذ حقه يكونوا غلطانين، ومش كل مرة بتسلم الجرة ، يعني إذا أنت فاشل في مجالك ما ترمي فشلك، وما تحاول تعمل بروباجندا على حساب ناس محترمة، للأسف ما خلا حدا من شره كل يوم عنده حدا، المشكلة الناس ينسوا شو كانوا وكيف". وأضافت: "يا عيب الشوم بس، عاملين فيها هن نقاد على الكل ما حدا بيسلم منهم، وهم ما عندهم لا احترام لا للمشاهد ولا لأنفسهم قبل أي شي، على أساس مقدمين، أسفة بس فاهمين الفن غلط، الفن أخلاق واحترام قبل الألحان والموسيقى يا شاطرين، وفوق كل هيدا نسيوا لما يتصلوا فينا عشان نغنيلهم". واختتمت كلامها الغاضب قائلة: "مش كل طير بيتاكل لحمه يلا الواحد بيسكت احتراماً لنفسه وللناس اللي بحبهم، ولأن ما تربينا على قلة الأخلاق ونحكي على الناس بظهرها، بس لازم بين فترة وفترة الواحد يحجّم هالناس ويعرفهم حدودهم".