ألقى الفنان أكرم حسني الضوء على صحة ما يتردد عن رفض أكثر من سيناريست بفيلمه الجديد "الأوضة الضلمة الصغيرة"، وذلك بسبب مخرج العمل محمد سامي. وأضح أكرم حسني عبر حسابه الشخصي على مواقع التواصل الاجتماعي"فيسبوك" قائلا: "رجاء من السادة الصحفيين المحترمين، قبل ما ينشروا أي أخبار يحاولوا يتحروا الدقة قبل ما ينشروا". وأضاف: "للأسف انتشرت مؤخرا أخبار غير صحيحة تماما عن فيلم (الأوضة الضلمة الصغيرة)، بتقول إن أكتر من سيناريست رفض يشتغل على سيناريو الفيلم، بسبب تدخلات المخرج محمد سامي، وده ماحصلش بأي شكل من الأشكال". وأضاف: "أولا محمد سامي مخرج كبير ومحترم وأعماله هي اللي بتتكلم عنه، وراجل بيحب شغله وبيهتم بكل تفاصيله، ده غير إن فكرة الفيلم فكرته فبطبيعة الحال لازم يقعد مع السيناريست عشان يشرح له تفاصيل الفيلم، والشخصيات وهذا من صميم شغله كمخرج". وتابع: "ثانيا تم ترشيح السيناريست هشام هلال من المنتج وليد منصور، وهشام قعد معانا وسامي شرح له الفكرة، وكنا نقعد جلسات عمل كان سامي بيتعامل فيها بمنتهي الاحترام والاحترافية ودي حاجة أنا أشهد عليها". وتابع: "ثالثا لما اختلفنا مع هشام هلال كسيناريست، لأني على المستوى الشخصي مشفتش منه أي حاجة وحشة، واعتذرنا له بمنتهى الذوق والاحترام من خلال المنتج، وسامي رشح السينارست المحترم كريم حسن بشير اللي خلص لنا السيناريو في زمن قياسي و بمنتهي الاحترافية رابعا وأخيرا: الشغل ده رزق ومش مفروض أبدا لما نختلف فيه نتكلم عن بعض وحش وندّعي حاجات محصلتش". واختتم: "أنا بقول الكلام ده إحقاقا للحق وعشان تبقى الصورة واضحة قدام السادة الصحفيين.. دعواتكم لينا عشان نقدم لكم عمل يليق بيكم ويحترم دماغكم ويسعدكم لاننا بنعمل شغلنا بمنتهي الحب". فيلم "الأوضة الضلمة الصغيرة"، فكرة وإخراج محمد سامي، وتأليف كريم حسن بشير، وإنتاج وليد منصور، ومن المقرر أن يبدأ تصويره خلال أيام، ليتم عرضه في موسم عيد الفطر المقبل. [more_vid id="Ge1i00EZjAqMOVwamrR9cQ" title="أكرم حسني دردشة بسيطة سر الأوضة الضلمة الصغيرة" autoplay="1"]