شاركت الفنانة سلاف فواخرجي جمهورها ومحبيها، عبر حسابها الرسمي على "إنستقرام" بصورة قديمة التقطتها في قصر الأمير عبد القادر الجزائري في الربوة بدمشق، واستعادت من خلالها الكثير من ذكرياتها في بلاد الشام. وعلقت "فواخرجي" علي الصورة، وقالت: "صباحكم شامي، صباح الشام وبيوت الشام وأهل الشام.. صباح الجنينة وأرض الديار والبحرة والياسمينة.. ياسمين ابيض وأصفر وأزرق وعراتلي.. وصباح النارنجة والليمونة والكبادة..وصباح البرتقانة (برتقالة) والكريفون والأكدنيا والدرابزين والبومللي". و أضافت: "وصباح الوردة الشامية الجورية اللي ما في متلها بالدنيا كلها... وصباح اللي معربش عالحيطان متل المجنونة حمرا وبنفسجية واورانجية.. وصباح الست أم كلثوم نفسها وأم كلثوم.. وصباح عطر الليل الكولونيا..والريحان.. وكمان سوالف العروس.. والضراير ولسان الحماية (هاد بيكون شوك والكناين بيديروا بالهم عليه.. هيك بيقولوا ! )، وشو كنا نفرح ونلعب ونحنا صغار بتم السمكة.. وكله كوم ودوالي العنب كوم.. بلدي وحلواني وكله بيأرش.. والعنب البلدي والعنب الزيني.. مابيقولوا (عنب الديار بيطول الأعمار )، وقديش حلو شكل ( الساعة ) والبنفشا اللي كلها زرار.. وياعيني عالمانوليا وعلى ريحة المسكة". وتابعت: "وصباح الزريعة المنتورة هون وهون.. عالبحرة وعالحيط وعالشبابيك وعالدرج بحواض وفخارات وتنكات وفيها أوراق القصب..والشمشير..والهوا حيفا المهفهف كتير.. والقرطاسية.. والبوغونيا.. والختمية والميريمية والمليسة.. والدادا.. وصباح الشب الظريف... والجميل.. وآه يا أنا ( اسم نبتة ).. والعطرة.. والشكرية والهرجاية..والبرنجك والمدادة..والمكحلة والسجادة..واللحلح..والزلف.. وفي منهم اسماءهم غريبة عجيبة بس الها معنى مو اي كلام.. متل ليلة القدر التي بتتفتح في ليلة واحدة بس بالسنة ! والمحكمة..وكف العروس..وراخي شعرو.. ولازم ولابد يكون في قطعة ( غناجة ) اللي كل مالمسنا وراقها بتسكر لحالها وبترجع بتفتح بعد شوي والسيكارة أو جيكارة..وورق الصالون.. وقلب عبد الوهاب (اه على عبدالوهاب)، والشمعة..والمضعف الأصفر والطقطيقي اللي فيه شوية زهر والمطبق اللي في كتير زهر" وانهت تعليقها قائلة: "وعنجد في أحلى بالدنيا من النرجس..والفل والقرنفل.. والزنبق؟ ولا البنفسج (اللي بيبهج وهو زهر حزين)؟ وبيبقى البلدي لا قبله ولا بعده بيكفي انو اسمه بلدي .. هي صورة كتييييييير صغيرة من بلدي ربي يحميلي بلدي وصباحات بلدي.. (الصورة من قصر الأمير عبدالقادر الجزائري في الربوة ، دمشق )". يشار إلى أن الفنانة سلاف فواخرجي انتهت من تصوير المشاهد المتبقية لها من مسلسل "خط ساخن"، الذي كان من المفترض أن تخوض به السباق الرمضاني الماضي، ولكن تأجل في اللحظات الأخيرة بسبب أزمات إنتاجية. وكان وكان آخر أعمال سلاف فواخرجي مسلسل"أهل الغرام"، الذي عرض العام الماضي، وشارك في بطولته مجموعة كبيرة من النجوم، من بينهم جمال سليمان ومكسيم خليل وبسام كوسا. [more_vid id="4H4DAqeFysPGxjd9Se16aw" title="سولاف فواخرجي تتحدث عن دورها في الفيلم السوري «هوا أصفر»" autoplay="1"]