وجّه الإعلامي المصري الساخر باسم يوسف الشكر إلى القضاء المصري ولهيئة الدفاع التي دافعت عنه، في تعليقه على صور حيثيات الحكم الصادر ببطلان تغريمه 50 مليون جنيه. وكتب باسم عبر صفحته الرسمية بموقع التواصل "فيسبوك: "زى ما كتير منكم تابعوا والصحافة نشرت السنة اللي فاتت صدر حكم تحكيم تجاري ضدي يلزمني أنا شخصياً بتعويض 50 مليون جنيه، وكثير منكم أيضاً مشكورين باركوا لي على حكم بطلان حكم التحكيم اللي صدر الأسبوع اللي فات". وتابع: "شكراً لكل واحد فيكم وأنا واثق إن القضية دي هتفضل يتضرب بيها المثل كواحدة من أغرب قضايا التحكيم في التاريخ المصري، إزاي قناة منعت برنامج وعملت بيانات علنية ضد المذيع والشركة المنتجة ومنعت عرض الحلقة المتسلمة، وشوهت سمعتنا، وبعدين حكم تحكيم يديهم 100 مليون جنيه "50 من الإعلامي و50 من الشركة" ويبقى المذيع هو المسؤول عن سدادهم". وأوضح: "وعشان أفكركم، فدى فقرة من حيثيات الحكم، اللي المفروض يبقى في قضية تحكيم تجاري، يعني فلوس وبنود عقد، مش الكلام الحنجوري اللي مكتوب ده، واللي على فكرة بيوحي إن بتوع بره تنفع معاهم البرامج دي، بس بتوع جوه كخة، وفاقدين أهلية".