أعلنت بسنت علاء الديك ابنة شقيق السيناريست بشير الديك، وفاته، عن عمر يناهز الـ 80 عامًا،
وكان الفقيد دخل العناية المركزة للمرة الثانية إثر إصابته بمضاعفات لتدهور في الكلى.
وقالت ابنة شقيقة الكاتب الراحل عبر حسابها على فيسبوك: «ولا نقول إلا ما يرضي الله، عمي بشير الديك في ذمة الله، اللهم ارحمه واغفر له واجعل مرضه شفيعًا له واجعل قبره روضة من رياض الجنة».
كان الكاتب الراحل بشير الديك قد دخل العناية المركزة قبل أسابيع بأحد المستشفيات، للمرة الثانية، وقالت نجلة الكاتب الكبير بشير الديك إن والدها تعرض لإهمال كبير.
وأضافت دينا بشير الديك عبر «فيس بوك»: «صباح الخير جميعًا للأسف بابا دخل تاني الرعاية في مستشفى والمرة دي الموضوع بقى مختلف خالص للأسف حالته بعد ما كانت بتتحسن شوية بقت ترجع تسوء تاني، المشكلة في الإهمال وعدم الاهتمام بالمرضي، رحنا امبارح وقت الزيارة لاقينا بابا زاد عدم وعيه وذراعه وارم جدًا وبيؤلمه وماحدش كان واخد باله والمفروض انه في الرعاية».
وتابعت ابنة الكاتب الكبير بشير الديك: «المشكلة التانية أنه بقى لا قادر يمضغ الأكل ولا يبلعه، دا غير انه كان جعان على غير العادة لأنه بالرغم من عدم قدرته على المضغ ولا البلع لكنه أول ما بدأ يأكل بدأ وعيه يزيد، ازاي دي رعاية ومن كتر قلق ماما وعدم ثقتها في الخدمة المقدمة (اللي هي مش رخيصة بالمناسبة) بقت بتشوف الأدوية اللي بياخدها وبتعرف تأثيرها والآثار الجانبية بتاعتها وبدأت تناقش الدكاترة في الأدوية دي راح دكتور الرعاية المحترم المتواجد ساعتها قال لها «لو مش قادرين على مصاريف المستشفى روحوا مستشفى تانية»..هل دا رد محترم لدكتور رعاية في مستشفى معروفة بتميزها في الرعاية؟؟ الصراحة مش دا اول دكتور رعاية هناك يكون بالجليطة دي».
