وجه الفنان تامر حسني، رسالة لوالده حسني شريف عباس، قائلًا: «أبويا حبيبي اتغرب غصب عنه وبعدنا سنين وسنين بس عمري ما نسيت إن هو السبب في وجودي». شاهد الفيديو واضغط من هنا
ونشر تامر حسني، على صفحته الرسمية على موقع التواصل الاجتماعي «إنستجرام»، فيديو جمعه بوالده في لقاء سابق، وعلق عليه: «أبويا حبيبي اتغرب غصب عنه وبعدنا سنين وسنين بس عمري ما نسيت إن هو السبب في وجودي والسبب في موهبتي كان بيغني زمان وكان مطرب عظيم بس مكملش لظروف نفسيه سيئه مع أعداء النجاح وظروف صحية من عند ربنا وقال الحمد لله».
وتابع: «عشان كده انتقمتله وأخدت حقه من حلمه اللي ماكملش و بعون الله حققتهوله و كملتهوله و نص، ثانياً الأغنية دي يمكن مأخدتش حقها في النجاح عشان كده غنيناها في برنامج رحلة صعود في 2014 لأن كلامها فعلاً بيعبر عن حال الدنيا الفتره دي و الناس اللي بتجبرها الظروف إنها تتغرب و تعيش بعيد عن أهاليها، يارب رجع كل غايب لأهله و لـ ولاده و لـ ناسه يارب شدة و تزول من على وطنا يارب يارب يارب، اللهم آمين».
والجدير بالذكر أن آخر أعمال تامر حسنى، هي أغنية «جامدين جامدين» من كلمات محمود سليم وألحان تيام علي وتوزيع هشام محمد وماستر علي فاتح الله وجيتار محمد مغربي.
وجاءت كلماتها: «لو حد زعلان قابلك هاته من ايديه قوله في ناس فرحانه وجو جديد عليه لو جالنا بس هيطلع من كل اللي فيه احنا لمتنا دي بالدنيا كلها كل دقيقه انبساط بنستغلها والسكة اللي بتزعل نمشي عكسها».
