تحدثت الفنانة نيللي كريم عن أحدث أعمالها فيلم "هابي بيرث داي" الذي انتهت من تصويره.
وكشفت نيللي كريم تفاصيل الفيلم وقالت خلال لقائها مع الإعلامي إبراهيم عبد الجواد في تغطية خاصة من مهرجان العلمين الجديدة: "القصة بسيطة جدا بتتكلم عن أم مطلقة عندها بنت، وفي نفس الوقت عندها الشغالة بتاعة مامتها في نفس سن البنت والاتنين صحاب ومن هنا بنشوف القصة، هي فكرة جديدة ومختلفة وهو فيلم خاص جدا".
وتحدثت نيللي كريم عن تعاونها مع المخرجة سارة جوهر في أول أفلامها وقالت: "مش قلقانة أنا قبل كده عملت كذا تجربة مع مخرجين جداد وأنا بحب اشتغل مع مخرج جديد بيبقى عندهم حماس، وكلنا كنا جداد في يوم من الأيام كل واحد ليه أول مرة، وأنا بحب أجرب اشتغل مع ناس جديدة ومشاريع مختلفة".
وعن تقديم فيلم استعراضي قالت نيللي كريم إنها تتمنى ذلك لكن هذه النوعية من الأفلام تحتاج لإنتاج كبير مضيفة: "أنا حابه لو هعمل مسرح تاني أعمل حاجة موسيقية أكتر أو فيلم استعراضي لكن هي مكلفة جدا في أغاني واستعراض، محتاجين المنتجين يتشجعوا للنوعية دي من الأعمال".
وشاركت نيللي كريم في الدورة الثانية من مهرجان العلمين الجديدة بعرض مسرحيتها "السندباد".
تدور أحداث المسرحية حول قلادة سحرية يجدها "عمر أبو الهول" في مقبرة قديمة بالصدفة، فيقرر خوض مغامرة منتحلا شخصية السندباد.
مسرحية "السندباد" من بطولة كل من كريم عبدالعزيز، ونيللي كريم، شيماء سيف، بيومي فؤاد، ومصطفى خاطر، وإنتاج آلاء الغزالي، تأليف محمود نبيل ومحمد زيزو وإخراج أحمد الجندي.
