رد الفنان تامر حسني على إشادة الفنان كريم عبد العزيز بالحفل الذي أحياه ضمن فعاليات مهرجان العلمين الجديدة.
نشر تامر حسني عبر خاصية القصص القصيرة في حسابه على Instagram فيديو من لقاء لكريم عبد العزيز وهو يتحدث فيه عن المهرجان وقال: "برنامج المهرجان وتجهيزات المسارح والجرافيك، أنا لسه متفرج على حفله لحبيبي لتامر حسني وطبعا كل الاساتذة، حفله حلوة جدا جدا فرحان أن المهرجان كل سنة بيتطور".
وكتب تامر حسني موجها الشكر لكريم عبد العزيز وقال: "والله يا كيمو إنت اللي حبيبي حبيبي حبيبي وشكرا لتقديرك يا محترم يا كبير، ومستنيين كل شغلك العظيم".
وأحيا تامر حسني حفلا ضمن فعاليات الدورة الثانية من مهرجان العلمين، الجمعة 26 يوليو.
واستقبل تامر حسني عددا من المواهب الشابة على المسرح ليشاركوه الغناء ويقدمهم لجمهوره، كما شهد الحفل تقديمه لاستعراضات متنوعة مع أغنياته.
ونشر تامر حسني صورا من الحفل وكتب تعليقا عليها: "فخور إن مصر بقى فيها أول مهرجان عالمي حقيقي بكل المقاييس مهرجان العلمين في نسخته التانيو وبجد من كل قلبي فرحان بكل الحضور الكريم وبالاستعراضات والمواهب اللي قدمتها وعباقرة المسرح العربي اللي ساعدوني في تصميم وإخراج المسرح بالشكل ده بشكرهم إنهم بيصدقوني في كل حفلة وفعلا بنطلع كل مرة نتيجة أجمل من اللي قبلها لإن جمهورنا يستاهل يشوف الإبهار اللي في العالم بره أنه بقى في مصر".
