كشفت الفنانة يسرا حقيقة رفض رئيس النادي الأهلي الراحل صالح سليم لزواجها من ابنه خالد.
وقالت يسرا، في برنامج بيت السعد: «الكلام ده مش صحيح، صالح هو اللي مربيني، هو وخالي كانوا شلة واحدة وكل اللي اتقال عن الموضوع ده غير صحيح».
وتابعت:«كل اللي قالوا صالح لخالد ابنه وقتها، الست دي نجمة، هتستحملها اتجوزها، مش هتستحملها سيبها في حالها».
وأردفت:«وقبل ما يروح يتعالج سألنا عن إعلان زواجنا، وسبب عدم إعلان زواجنا وقتها مرض صالح سليم».
كشفت الفنانة يسرا كواليس مشوارها الفني حيث أكدت أن بداياتها كانت صعبة جدًا.
وقالت في لقائها مع برنامج بيت السعد:«بداياتي كانت صعبة جدًا لأن كان فيه نجلاء فتحي وميرفت أمين ومديحة كامل وقبلهم سعاد حسني».
وتابعت:«عشان أثبت نفسي في وسط دول كانت مهمة صعبة أوي، فأنا حضرت مونتاج فيلم الكرنك عشان اتعلم يعني إيه راكور».
وأوضحت:«أروح معهد السينما عشان اتعلم أبقى موديل ويصوروني، ويعملوا مشاريع التخرج وأبقى بطلتها، كنت حابة إني أكون موجودة وكنت بقلد كل الناس وأنا صغيرة».
