انا استاهل خمس اقلام ...بهذه الكلمات قدم الفنان المصري محمد رمضان اعتذاره للشاب الذي صفعه بالساحل الشمالي حين تقدم احدهم لالتقاط الصور وناداه بمحمد حمضان وهو يصور الفيديو ما اثار عصبية رمضان وبادره بصفعة على وجهه ردها الشاب بالمثل.
وشارك محمد رمضان مقطع فيديو عبر حسابه على «فيسبوك» يعتذر من خلاله للشاب المصفوع، قائلا: «الجمهور العدل الأصيل ألف شكر على وقفتكم معايا ودفاعكم عني، بس أنا عامل الفيديو ده عشان اعترف بغلطي».
وأضاف رمضان: «اعتذر لأهل الولد الصغير، إن إيدي اتمدت عليه وأنا عارف إنه عيل صغير لأن هو لما غلط فيا في الأول قـلعته الكاب وبصيت في وشه وقولتله اسمك ايه يا حبيبي، قالي اسمي كذا وسبته ومشيت».
وتابع: «بس غلط فيا تاني فقولتله هات التليفون فرفض فانا متمالكتش نفسي وضـربته قـلم بسيط و القـلم البسيط ده طيرله الكاب من على راسه والنضارة اللي كان لابسها، ولو هنعتبر الناموسة اللي وقفت على خدي قـلم فانا استاهل من الناموسة دي خمسة عشان أنا مديت إيدي على عيل صغير ودي لا رحٖولة ولا بطولة».
وأردف محمد رمضان: «لكن أنا متمالكتش نفسي ودي الغلطة اللي بعتذر عنها، ولما خدت تليفونه ومسحت الفيديو حد قالي اكسرله التليفون عشان ميعملش كدا تاني فقولتله لو هو غلط أبوه وامه ذنبهم إيه يغرموا تمن التليفون تاني خاصة لما عرفت إنه من قرية تانية اسمها اللوتس و جاي ينفسح، قالولي اعمله محضر قولتلهم لا روحوه لأهله بعد اذنكم».
شاهد بالفيديو اعتذار محمد رمضان عبر حسابه الخاص :
https://www.facebook.com/Ramadan?ref=embed_video
وانتشر مقطع فيديو لـ «خناقة» محمد رمضان مع شاب صغير في الساحل الشمالي، حيث ظهر رمضان، وهو يعنف الشاب قائلاً: «هات الموبايل»، وكرر الجملة أكثر من مرة بحدة واضحة تجاه الشاب ثم قام بصفعه على وجهه، ورد الشاب الصفعة في الحال لمحمد رمضان
