كشفت الفنانة المصرية القديرة صفية العمري عن سبب منعها لدخول اولادها الوسط الفني خلال تصريحات تلفزيونية قائلة : “مكنتش أتمنى أن حد من أولادي يدخل الوسط الفني عشان للوجع اللي إحنا بنتوجعه، بعاني من قلم أحمد زكي وصلاح السعدني ومحمود عبدالعزيز 3 أقلام أخدتهم في حياتي مظبوطين”
وتابعت صفية العمري قائلة: “أولادي أتولدوا في أمريكا وأتربوا هناك ابني فنان بطبعه ونفسي يبقى ممثل، ولكن اتجاهه في الرسم والأنيميشن والجرافيك ده نوع رائع جدًا من أنواع الفن أنا مش بفرض رأيي على أولاد”.
وعن التجارب التي يمر بها الإنسان ويمر بها، علقت صفية العمري قائلة : “الإنسان دائمًا بيجي له لحظات إحباط ده إنسان وحياته بتتغير مع الظروف بيكون في حياته إحباطات ولكن لازم يبقى في رضا وتفاؤل، النهاردة في أحداث مدمرة وأكون كله ملخبط لكن ربنا حاطط جوانا روح فيها تفاؤل، يارب يرزقنا ويجدد حياتنا، وسر الرضا أنك تكون راضي على نفسك وأنك متكنش ظالم حد وتتماشي مع أسلوب الحياة بشكل مرضي”.
واختتمت حوارها قائلة: “موت الأهل دائمًا بيأثروا على حياة الإنسان وبيكون في حنين واشتياق وكان في دعوات حلوة، وفي غربة الأولاد أنا اتولدت من بطن أم أم وبمارس أمومتي بكل الأمومة اللي أنا عشتها وأتربيت فيها بالمحبة والصداقة والتفاهم لأن لازم تستوعب أولادك أوعى تقسو على ابنك”.
