ردت الممثلة المصرية هند عبد الحليم على بعض الانتقادات التي وجهت لها بعد إزالتها الشامة "الحسنة" فوق شفاهها، وقالت "برافو يا جماعة استمروا خليكوا أشرار أكتر وأكتر اتبسطوا".
وعبر خاصية القصص القصيرة في حسابها على Instagram كتبت هند عبد الحليم: "للتوضيح حاجة كمان بما إن الناس بقت بتقول كده في الوش ومش بيحسوا بحد في ناس كتير قالت إني عملت مناخيري ونفخت وشي وشفايفي، أنا عملت كل ده؟ أمتى طيب وفين؟".
وتابعت: "هو إنتوا مش عارفين إن البني آدم ملامحة بتتغير مع مرور السنين وهو نفسه أصلا بيتغير مش بيروح يعمل عمليات في شخصيته ولا أحاسيسه بس الحاجة الوحيدة اللي مش بتتغير إنه هيفضل بني آدم بيحس وبيتوجع فا حطوا نفسكوا مكان الناس أو بلاش … بس مش لازم تخلوني عملت وغيرت وشيلت الحسنة اللي كانت فيها موهبتي أو الحسنة الوحيدة اللي كانت فيا زي ما ناس كتير قالت، برافو يا جماعة استمروا خليكوا أشرار أكتر وأكتر اتبسطوا".
وكانت هند عبد الحليم ظهرت مؤخرا في أكثر من إطلالة وصورة بدون شامتها.
يذكر أن آخر أعمال هند عبد الحليم كان مسلسل "أزمة منتصف العمر" الذي عُرض على منصة "شاهد VIP"، وشارك في بطولته كل من كريم فهمي، ريهام عبد الغفور، رنا رئيس، هند عبد الحليم، عمر السعيد، ركين سعد، رشدي الشامي، ومن إخراج كريم العدل، وتأليف أحمد عادل، ومعالجة درامية لكريم العدل وكريم فهمي.
