نشرت الفنانة المصرية يسرا اللوزي، توضيحًا للجمهور، حول ما أثير مؤخرًا بشأن تعليقها على حادث الطائرة المصرية المنكوبة بقولها: "ربنا يرحم شهداء الظلم والفساد". وكتبت "يسرا" في تدوينة لها عبر حسابها على موقع التواصل الاجتماعي "فيس بوك": "للتوضيح، من الواضح إن معظم الناس فهمت التعليق بتاعي غلط تماما.. هذا شرح تفصيلي للي كتبته بخصوص الطيارة وده هيكون آخر بوست بخصوص الموضوع ده". وأضافت الفنانة المصرية: "أولا وقبل أي شيء ربنا يرحم كل الشهداء.. وأكيد لم اتهمهم بالفساد، واللي فهم كده عنده مشكلة في التفسير.. ثانيا أنا خريجة علوم سياسية وقانون دولي، ومن حق أي شخص يتكلم في السياسة". وتابعت يسرا اللوزي: "1- في حالة إن ده إرهاب أيا كان مصدره، فده يعتبر فساد لأني اعتبر الإرهاب نتيجة للفساد بشكل عام، كما أن وفاة الضحايا يعتبر ظلم لأن ملهمش ذنب.٢- في حالة إن ده إهمال سواء من الجانب المصري أو الفرنسي، فده برضه يعتبر فساد وظلم للناس اللي توفت.٣- في حالة إن ده قضاء و قدر.. ده موضوع تاني ومينفعش اتكلم فيه.٤ -أنا ماقولتش أي حاجة وحشة عن بلدي ولا عن مصر للطيران..  ومش هبطل أسافر على مصر للطيران.. لأنها شركة محترمة ووارد إن أي طيارة تقع ولو كانت تابعة لأي دولة أو شركة".