على غرار حرصه الدائم على التواصل مع جمهوره وتلبية طلباتهم وإدخال السعادة على قلوبهم، عاد الفنان تامر حسني بموقف إنساني جديد أظهر فيه حبه الكبير لجمهوره ومتابعيه واحترامه الكبير لهم، وذلك من خلال تلبيته لطلب أن يقوم بنشر صورته بصحبة تامر حسني على صفحته الشخصية، والذي التقى به في أحد فنادق القاهرة الكبرى أثناء إحيائه لإحدى حفلات الزفاف. وبالفعل قام تامر برواية قصته وتقديم بعض النصائح لهذا الشاب الذي التقى بتامر حسني بعد ترك خطيبته له، الأمر الذي أوضحه تامر عبر صفحته الشخصية على موقع التواصل الاجتماعي "فيسبوك"، حيث قام بنشر صورته بصحبة الشاب قائلاً: "الشاب الجميل دا شافني داخل أغني في فرح وقفني وقالي أنا بشتغل تقريباً ويتر هنا في الفندق وحبيبتي سابتني النهارده وأنا زعلان أوي بس أول ما شفتك فرحت عشان بحبك جداً وطلب مني نتصور بموبايلي وأنا اللي انزل صورته عندي عشان يفرح". وتابع "و قالي انا اسمي محمود كان نفسي اتكلم معاه بس كنت داخل أغني.. المهم يا محمود يا جميل بما اني معرفش ايه الأسباب اللي بعدتكوا عن بعض وبما اني مش ناسي الحزن اللي كان في عنيك هكلمك هنا.. اكيد الدنيا مش هتقف بيك أهم حاجة تفضل تشتغل زي مانت كدا راجل وسيد الرجالة وربنا إن شاء الله يصلحلك الحال وممكن ترجعوا أو هيكرمك بإنسانة مناسبة ليك اكتر وخلي الخير بينكم حتى في الانفصال جايز قربكم مش خير لبعض ربنا يكتبلك الصالح ويكتبلها الصالح". وأوصاه قائلاً: "أهم حاجة هوصيك بيها اشتغل وإكبر وإنجح وطور من نفسك... مين عارف جايز بعد سنين ربنا يجمعني بيك تاني واشوفك صاحب الفندق أوعى تضحك وتقول مستحيل شغلانتك وأنا صغير اشتغلتها بس طبعاً مش في فندق شيك زي دا، كانت في مطعم أقل من بسيط وعشان راجل مايئستش فضلت ورا حلمي لحد ماوصلتله". وأردف: "يا رب توصل لحلمك أنت وكل الناس وآدي صورتك يا عم منورة عندي أهي متأكد أن كلامي إشارة ليك مهمة خليك شاطر وإفهم الإشارة". ويذكر أن الفنان تامر حسني يستعد لإقامة حفل غنائي ضخم، باستاد القاهرة الدولي يوم الجمعة 13 سبتمبر الجاري، ومن المقرر أن يشهد الحفل حضور عدد من الشخصيات العامة والمرموقة و كبار الفنانين والإعلاميين، وحضورًا جماهيريًا كبيرًا. [more_vid id="sDv73oWYqqW9JGlY9X1Q" title="تامر حسني يتحدث عن بسمة بوسيل" autoplay="1"]