شاركت النجمة نسرين طافش جمهورها، عبر حسابها الشخصي على موقع "إنستقرام"، مقطع فيديو غنائي لها، وهي تشدو بأغنية "الا معك". [vod_video id="Pg9UMJcsujSV5HNhxHCQ" autoplay="1"] ووجهت "طافش" رسالة حاسمة للمشككين في موهبتها الغنائية، قائلة: "بدون فيديو كليب وبمحبتكون اتخطت اغنية الا معك حاجز المليون فيوز على اليوتيوب، البعض قالو الصوت كتير طالع حلو ونقي بتسجيل الاغنية أكيد لاعبين بصوتها و محسن بالاوتو تيون ونسرين مافيها تغني لايف اعتبرت هالشي مديح لانو هاد كان صوتي مية بالمية متل الفيديو هاد الا ازا في اوتو تيون عالسناب و ما عندي خبر". وأضافت: "لهيك حبيت اهديكون الأغنية بصوتي بدون اي اضافة الاضافة الوحيدة اني بغني باحساس و من قلبي و بثقة انك تقول عني ما بتحب صوتي هاد عادي و ذوق شخصي و مزاج لانو انا في اصوات حلوة كتير و مع هيك ما بحب اسمعلها بس هاد ما بيلغي انو اصواتهون مش حلوة الذوق شي و محاولة التقليل من موهبة او من نجاح الآخر موضوع مختلف تماما الاولى ذوق اما الثانية غلّ صرف و نابعة من شعور بالنقص بتخلي الواحد ينتقص من أي شيئ جميل بيمتلكو الآخر". وتابعت: "بعمري ما ادعيت اني ام كلثوم أو اسمهان انا عاشقة للفن بكل اشكالو و روحي شغفها الفن لهيك أنا ممثلة اولا لهالسبب ما بحب كتير غني بلقاءاتي لانو شغفي الأول التمثيل و مغنية ثانيا لانو الغناء هوايتي و عم طور هالموهبة يوم بعد يوم اكتر و ناشرة للحب والنور بكل اشكالو ثالثا من خلال الفن و لسا بدي اكتب و اعمل الي بحبو و ازرع الدنيا كلها فن و حب و بهجة و نجاح بحرية ومتل ما بحب و وقت الي بحب على طريقتي". واستكملت حديثها: "انتقاص اي شخص من نجاح الآخرين و محاولة احباطهم هو نقص ما بداخلو اولا و أخيرا لإنو الانسان المتوازن نفسيا وفكريا استحالة ينزعج من نجاح الآخرين وازا ما حب شي بيبعد عنو و بيتجاهلو بدي اشكر الملحن الكبير هشام بولس على ثقتو بصوتي بأغنية الا معك وكل الملحنين الكبار الي الهون خبرة كبيرة بالفن وشجعوني والي تعاملت معهون بالبومي الي رح ينزل باول الصيف إن شاء الله". واختتمت: "النجاح ما بيخبي حالو مهما عبر مشتتات من هنا أو هناك بالعكس هاد ما زادني الا قوة لكمل و اعرف اني عالطريق الصح عدد المتابعين مجرد رقم و البلوك اسهل شي عندي تركيزي رح يكون دائما على المحبين و ردي دائما رح يكون بنجاح جديد سواء بالتمثيل أو بالغناء أو بأي مجال تاني رح انجح فيه بإذن الله محبتي". https://www.instagram.com/p/BgzSh7WBaTP/?taken-by=nesreentafesh طرحت النجمة نسرين طافش، أحدث أعمالها الغنائية التي تحمل اسم "إلا معك"، عبر قناتها الرسمية على موقع "يوتيوب" احتفالًا بيوم الحب. وتعاونت نسرين في الأغنية مع كل من الشاعر منير بو عساف والملحن هشام بولس والموزع الموسيقي داني حلو، حيث جاء التعاون لبنانيًا بأكمله. [more_vid id="x8KDNofAQRoUCMAOROWwWA " title="بمناسبة إلا معك .. نسرين طافش تغازل جمهورها .. ماذا قالت؟" autoplay="1"]