نجل محمود عبد العزيز يوجه رسالة لفريق عمل "الأب الروحي"
  • Posted on

نجل محمود عبد العزيز يوجه رسالة لفريق عمل "الأب الروحي"

وجه الفنان والمنتج محمد محمود عبد العزيز ، عبر حسابه الشخصي على موقع "إنستقرام"، رسالة لفريق عمل مسلسل "الأب الروحي" الذي يشارك فيه كمنتج، ومن المقرر عرضه يوم 15 يناير الجاري على أحدى القنوات الخاصة. وجاء ذلك من خلال صورة تجمعه بعدد كبير من فريق عمل المسلسل، مقدما الشكر لهم سواء من يقفون أمام الكاميرا أو خلفها، بالرغم من أنه لم يستطع التواجد خلال تصوير مشاهد المسلسل بشكل دائم كعادته، بسبب انشغاله بمرض ووفاة والده الفنان القدير محمود عبد العزيز. وكتب عبد العزيز "فركش الأب الروحي الجزء الأول سعيد بكل الناس المحترمة اللى فيه بجد، العمل الوحيد اللى للأسف ما قدرتش أحضر أيام تصويره نظرا لظروفى اللى الدنيا كلها بقت عارفاها الحمد لله على كل حال، الحلم الحمد لله حصل زى ما تخيلناه أنا وأخويا الكبير ريمون". وتابع محمد عبد العزيز "النهاردة حابب أشكر كل النجوم اللى شاركوا فى الأب الروحي واللى وجودهم أكيد أضاف كتير للعمل وعلى رأسهم عمي اللى يا رب يكون عارف أنا بحبه اد ايه أستاذ محمود حميدة ربنا يخليك ويطول فى عمرك، وحابب أشكر كل الوجوه الجديدة اللى إن شاء الله بينتظرهم مستقبل كبير واللي إن شاء الله هيبقوا نجوم بفضل ربنا وحب حضراتكم ودعمكم ليهم". واستكمل "بشكر المؤلف المجتهد هانى سرحان ومدير التصوير المتميز حسين عسر والمخرج الرائع بيتر ميمى، وبشكر رجالة فنون مصر اللى كانوا واقفين وقفة رجاله بجد ورجالة الإنتاج طبعا، و طبعا لن أنسى الجنود المجهولين وهم كل فنيين المسلسل فى جميع الاختصاصات، تسلم أيديكوا كلكوا وإن شاء الله روح الحب اللى بيننا كلنا هتوصل للناس وهيحبوا العمل ويصدقوه زينا بالظبط". "الأب الروحي" مكون من 60 حلقة، وسوف يتم عرضه على جزأين، وهو من بطولة أحمد فلوكس، محمد عادل، سوسن بدر، محمود حميدة، مي سليم، عايدة رياض، أحمد عبد العزيز، إيهاب فهمي، أحمد حلاوة، المسلسل من إنتاج مجموعة فنون مصر (ريمون مقار، محمد محمود عبد العزيز)، من تأليف هاني سرحان ومحمد جلال، ومن إخراج بيتر ميمي.