قالت الفنانة ناهد السباعي "أنا متعقدة من الرجال بسبب جوابات جدي الفنان الراحل فريد شوقي لوالدتي"، وذلك خلال ردها على سؤال طرحته الإعلامية بسمة وهبة، قالت فيه "انتي متعقدة من الرجال؟". وقالت "ناهد" خلال لقائها في برنامج "شيخ الحارة"، المذاع على إحدى المحطات المصرية: "ممكن أكون معقدة من الرجالة، لأني اتربيت في بيت كان جدي فريد شوقي بيكتب فيه جوابات لأمي، ووالدي سماني ناهد على اسم مامتي من كتر ما كان بيحبها". وأضافت: "مش هلاقي رجالة زيهم عشان كده بقيت معقدة، إخواتي بيدلعوني جدًا، ولما ده بيحصل في البيت صعب البنت تقبل بأي راجل". [vod_video id="NYgUYeKZzqwQCHBwHpUZnw" autoplay="0"] وكشفت "ناهد" سبب انفصالها عن خطيبها، وهو نشوب خناقة بين خطيبها مع شخص في الشارع أمام والدتها، وقالت: "وأنا اضايقت أن ده حصل قدامها لأن لها مكانة كبيرة عندي والمفروض ده ميحصلش قدام والدتي وده السبب.. ووالدتي خط أحمر". وأضافت أن خطيبها كان شخصًا طيبًا جدًا وأهله ناس رائعين فوق الوصف، قائلة: "أنا مقدرش ابني سعادتي وراحتي على آراء الناس"، مشيرة إلى أنها اتخطبت لمدة 6 أشهر، قائلة: "ممكن يكون عصبي ولكن عمره ما مد إيده عليا ومحدش يقدر يمد إيده عليا" . وتابعت: "غلطنا في بعض كتير.. وبعد وفاة والدي، أخويا يوم الفرح مكنش سعيد ويوم كتب كتابي كان يوم العياط العالمي ونفسي أتجوز ويبقي عندي طفل.. ممكن أكون معقدة من الرجالة وانا اتربيت في بيت جدي بيكتب جوابات لي وأخويا كان حلو ومفيش في جماله، وملقتش زيهم ومفيش زيهم ". [vod_video id="jDKdqcTBZ1V3nop1oGHMmw" autoplay="0"] وكشفت ناهد السباعي حقيقة الخلاف مع خالتها النجمة رانيا فريد شوقي، قائلة: "بالفعل كان هناك شجار بين والدتي وخالتي النجمة رانيا فريد شوقي وأنا كنت قليلة الأدب جدا ضد رانيا.. فأنا مع والدتي في أي حاجة فأنا مريضة بأمي". وأكدت "ناهد" أنها ندمانة لما قامت بفعله ضد "رانيا"، وقدمت الاعتذار لها بعد الخلاف، وتمنت ألا يكون هناك خلاف بينهما. [vod_video id="S8jk0Bvy8QGGAQLVeh2q5Q" autoplay="1"] وردت الفنانة ناهد السباعي على اتهامها بتعمد ارتداء ملابس مثيرة للفت الانتباه في المهرجانات، قائلة: "أنا فوجئت بتعرض فستاني للقطع في مهرجان بيروت للسينما، وزعلت من الصحفيين لأن محدش منهم قالي إن الفستان اتقطع". وأضافت: "شرابي بان، وأكيد مكنتش أحب أبينه، وقبل ما أنزل ماما ربطت الفستان بدبوس"، لترد عليها بسمة وهبة ممازحة إياها وقالت: "هو الدبوس بيستر يا ناهد". وتابعت: "والله ما كنت أعرف إن ده هيحصل، أنا لو لابسة عريان من فوق مينفعش يبقى عريان من تحت، العري مش شياكة، العري مبقاش مميز على الريد كاربت، لأن الناس كلها بقت تلبس عريان، لكن ممكن ألبس فستان غريب عشان أجذب الانتباه". [vod_video id="t0a8LKfnVhWUnBm1w0lbg" autoplay="0"] وتخوض الفنانة ناهد السباعي الماراثون الرمضاني الحالي بمسلسل "الزوجة 18" من بطولة حسن الرداد، غنوة محمود، سالي رشاد، نور الكاديكي، ملك بدوي وآخرين، وهو من تأليف محمد أبو السعد، خالد أبو بكر، إخراج مصطفى فكري. [more_vid id="7xA7nzeSilRvEH5iL1pAFQ" title="أنا وأنا - والدة ناهد السباعي تكشف عن أسرار تذاع لأول مرة" autoplay="1"]