أثارت المذيعة المصرية سالي عبدالسلام، المعروفة إعلاميًّا بـ "المتوحشة"، الجدل على السوشيال ميديا، بنشر صورة عبر حسابها الشخصي على موقع "إنستقرام" لمشهد مأساوي لشعرها بعدما قالت سالي "أصدمكم أكثر!! لكل حد كتب كومنت على راسي والله.. أنا بقرأ الأذكار كل يوم!! مبفوتش فرض وبالسنن وقيام الليل الحمد لله.. المعوذات قبل ما أنزل!! القرآن والبخور كل يوم!! كل يوم والله.. وبحلف!! بس والله كدة كتير علي! أنا تعبت". https://www.instagram.com/p/BW51Cufl421/?taken-by=sallyabdalsalam وأضافت "عمرى ما كنت بركز في الحسد بس مؤمنة بيه.. مبركزش من كتر ما بتقالى أنت محسودة والناس مركزة معاكي بزيادة؟!!! أنا؟؟ طب ليه؟! يجوا يشوفوا الواقع.. ولا حاجة بتكمل في جميع النواحي الحمد لله.. عمري ما زعلت على شغل راح أو جوازة أو عربية أو صحاب وببقى عارفة أن ده تركيز، وناس بتتمنى زوال النعمة منك أعوذ بالله ربنا يديهم أضعاف أضعاف اللى بيفكروا بس فيه". واستكملت " ولكن في شعري ألاقيه كدة امبارح فجأة لا!!!! كدة كتير وفوق طاقتي يا ربي.. لما ألاقي جروبات كتير بتتكلم على شعري وياترى ده اكستنشن ولا زفت وإلا ولا كلمة ما شاء الله أو اللهم بارك، كله غل أو يقول ده مش شعرها وأنا اتبرع وأحط صوري وأنا صغيرة عشان أقولهم دي طبيعة شعري مش طريقة معينة للاهتمام عشان محدش يضحك عليكم بحسن نية للي بيسأله، ويحصلي بعدها كدة". وتابعت: "في شعري 3 مناطق مفيهاش شعراية!! ألاقي بوست زى ده معمولي أكتر من 200 منشن فيه وعلى الواتس آب والماسنجر وأقرب صحاب ليا زعلانين ويقولولي ربنا يستر عليكى بجد دول عينيهم وحشة هيحصل حاجة!! وأنا أكبّر وأضحك.. لا اه حصل!! كدة كفاية والله.. والله كفاية! مفاضلش غير شوية الرضا وتقبل الدنيا اللى مخليني قادرة أكمل.. أبوس إيدكم بلاش دول كمان! ده مش هزار ممكن تأذى حد غصب عنك أو نفسك وبتحصل فعلاً لازم تقول ما شاء الله أو اللهم بارك وصفي نيتك!". واستطردت "السوشيال ميديا بجد ضيعتنا كلنا!! قالك بيكتبوا بوستات انجيلينا وبراد بيت مطلقوش ليه والناس هتحسدك أنتي وهما مجرالهمش حاجة ويهزروا مع بعض كدة أهم اطلقوا!!! ركز في كل حاجة هزرت عليها !! حصلت.. أعوذ بكلمات الله التامات من شر ما خلق.. أعوذ بكلمات الله التامة من كل شيطان وهامة ومن كل عين لامة". واختتمت "#حسبى_الله_ونعم_الوكيل #لاإله_إلا_الله، #لا_إله_إلا_أنت_سبحانك_إني_كنت_من_الظالمين ومستكترين عليا أعمل هاشتاج msa.. والله يارتني كتبت وقلت وبعد كدة هقول في وش أي حد وأحرجه أو حاسد هقوله وربنا لازم يردهالى اللي مبيضيعش عنده حق حد.. الحمد لله".