نشر النجم الكوميدي أحمد حلمي، عبر حسابه الشخصي على موقع "إنستقرام" صورة تجمعه بنجله الأوسط سليم الذي لم يظهر على السوشيال ميديا إلا نادرا بالرغم من ميلاده في آواخر عام 2014، ولكنه في الوقت نفسه حرص على عدم إظهار ملامح وجهه. وارتدى نجل حلمي نظارة شمسية وقبعة على رأسه، وتطابقت ملابسه مع ملابس والده، ولكن لم يظهر منه شيء، وهذا بمناسبة يوم الأب التي تقيمه منظمة الأمم المتحدة للطفولة "يونيسيف" وشارك من خلالها أحمد حلمي بنشر صورة مع نجله ووجه رسالة إلى والده. وقال حلمي: "لما كنت طفل كان كل حاجه في حياتي، جبل كبير ضخم كله قوة، وعلي قد قوته كانت حنيته، عمري ما انسى كف أيده الدافئ وهو حاضن أيديا الصغيره، نينني عيننه اللي بيضحك لما بيبص في وشي، كنت بحس بالأمان لأنه مركز معايا وواخد باله مني". وأضاف "لا شغل شاغله عني ولا اهتمام كان ناقصني، حفظني طريق مدرستي زي ماحفظني امشي في أول خطوتي من الكنبه للترابيزه وهو بيشجعني ومحاوطني بدرعاته، أنه أبي، أنه أبويا، أنه والدي، أنه بابا". وتابع "اللي زرعه ابويا من اهتمام وتواصل فرق معايا كتير، أو بمعنى أدق خلاني أب أعرف أتعامل مع أطفالي، شكرا يا أبي شكر دائم ومستمر مدي الحياه.. شكر أتمنى إني استحقه وأسمعه من ابني وبنتي لما يكبروا فأشكرك شكر تاني". ووجه الشكر لكل أب، قائلا: "شكرا لكل أب بمناسبة عيد الأب.. وطبعا طبعا طبعا شكرا لكل ست لأنها هي اللي ولدت وربت كل طفله بقت أم وكل طفل بقي أب.. يونيسف الشهر ده بتحتفل بكل أب في مصر وفي العالم كله، نزّل صورتك مع ولادك أو صورتك مع والدك مع موقف فاكره أثر في تربية ولادك أو في تربيتك وأنت صغير وأعمل تاج ليونيسف على هاشتاج (السنين الأولى بتفرق) علشان تكونوا جزء من الحملة دي". [embed]https://www.instagram.com/p/BV7C_tagJFK/?taken-by=ahmedhelmy[/embed] ويعد فيلم "لف ودوران" بأخر أعمال أحمد حلمي، ويشاركه البطولة: ودنيا سمير غانم، وصابرين، وبيومى فؤاد، وإنعام سالوسة، وميمى جمال، وجميلة عوض، من تأليف منة فوزى، وإخراج خالد مرعى.