على مدى 3 أيام كانت عازفة الناي المصرية "ندى سلامة " التى نالت شهرتها بالعزف في الشوارع ومحطات المترو والمقاهي ، حديث الشارع المصري على مواقع التواصل الاجتماعي ، بعدما تركت رسالة غامضة على صفحتها بالفيسبوك تشير إلى انتحارها ، ثم تبارى أصدقائها بالترويج لقصة وفاتها منتحرة يوم أمس الاثنين ، وأكدوا أنه تم تشييع جثمانها ودفنها في مسقط رأسها بمحافظة كفر الشيخ شمال مصر ، وعندما حلّ المساء حلّت معه المفاجأة بظهور ندى لتعلن عبر صفحتها الشخصية بالفيسبوك أنها لم تمت:"أنا ندى ولسه عايشه لو معنى إني بتنفس إني لسه عايشه، يمكن ده هيكون أطول شيء أكتبه ويمكن يكون آخر شيء أكتبه وأهتم للناس فأكتبلهم، أنا حاولت أنتحر أكتر من 5 مرات في 3 أيام وكل ده عشان بواجه مشاكل زي اللي الناس بتقابلها بس المشاكل دي كانت أكبر مني ومكنتش عايزه أورط حدّ فيها لأنها كلها مشاكل أنا السبب فيها أنا اللي عملتها بس كنت جبانه إني أواجهها".وتابعت:" الموت شيء عظيم ممكن يخلصك من مشاكلك في دقيقه ويخلي كل الناس تسامحك بس الغريب هما ليه مهتمين بوجود الجسد، كله بيدور حوالين جسدك طول ما جسدك موجود هيكرهوك وأول ما يختفي هيحبوك، إن كان الاعتذار واجب فبعتذر للناس اللي مش مهتمه لوجودك، وفرّ أي طاقة تفكير هتفكر فيها عني وعن حياتي أو عن موتي أو عن مشاكلي أو عن علاقتك بيا وفرها لحياتك في العالم الوسخ، ووفرّ أي محاولة تواصل معايا حالياً، أنا شخص غير جيد لأي شيء في الحياة لحد ما أبقى جيدة كفايه لنفسي، أكرهني أو حبني ده مش هيغير شئ في يومك".