رامي صبري يكشف الأسباب: لماذا ابتعد عن أغاني الدراما؟
  • Posted on

رامي صبري يكشف الأسباب: لماذا ابتعد عن أغاني الدراما؟

شارك الفنان رامي صبري جمهوره، عبر حسابه الرسمي على "إنستقرام" بصورة وجه من خلالها توضيح لجمهوره حول سبب تنويع الموسيقى في أعماله الغنائية وابتعاده عن التيمة الدرامية في أعماله. وقال "صبري": "صباح الخير جمهورنا المحترم.. بيوصلني مسجات كتير أوي وبشوف كومنتات كتير أوي على أنكم عايزين الشغل الجديد يبقي ذي الفترة الأولانية اللي هي ألبوم حبيبي الأولاني وغمضت عيني.. يعني عاوزين أغاني هاديه كتير". وأضاف: "أولا أنا بعمل أغاني هادية كتير جدا في كل ألبوم لأني بحبها، ثانيا عشان عارف إن الجمهور الأكتر بيحب الأغاني الرومانسية والدرامية.. ولكن لما بتيجي بتعمل ألبوم بتلاقي إن لازم نعمل كل الأنواع عشان كمان يبقى فيه تنوع أكتر في أشكال الأغاني وعشان الأغاني السريعة تشتغل في حفلات وأفراح ومناسبات، والجمهور يسمع الأغاني في كل الأماكن، وعشان أنا كمان كفنان مصري أقدر أنافس واكبر اسمي بحتاج نوعيه الأغاني السريعة، عشان هي اللي بتقدر بيها تخلي الناس تفرح أكتر مثلا ذي آخر أغنيه ( مبروك علينا)". وتابع: "معلش أني مبعملش كل الألبوم أغاني هادية، عشان الأسباب اللي قولتها في البوست.. والألبوم الجاي هيبقي فيه 5 أغاني دراما إن شاء الله.. وأخيرًا أتمنى التوفيق والنجاح دائما لكل الناس". الجدير بالذكر أن رامي صبري انتهى من 11 أغنية في ألبومه الجديد، الذي تعاون من خلاله مع أمير طعيمة، وتامر حسين، وأحمد علي موسى، وهاني رجب، ومديح محسن. [more_vid id=" 4JmbrnVe5Dk7Y0iqFeIg" title="انفجار يفزع رامي صبري اثناء الغناء" autoplay="1"]