تامر حسني يرد على منتقدي صورته.. ويثير عاصفة من الإعجاب
  • Posted on

تامر حسني يرد على منتقدي صورته.. ويثير عاصفة من الإعجاب

رد النجم تامر حسني عبر صفحته الرسمية على موقع التواصل الاجتماعي "فيسبوك" على التعليقات الساخرة بشأن صورة له وهو صبي صغير في مقتبل العمر، والتي سخر منها الكثيرون. وأعاد تامر نشر الصورة وعلق عليها قائلاً: "لمن يهمه الأمر، من يومين نزلت صورة ليا وأنا صغير وشغلت ناس كتير وفضلوا يتريقوا على الصورة، في الحقيقة إني فالوقت ده فعلاً كنت بحاول أقلد المشاهير في صورهم وأفلامهم وحركاتهم، وبغض النظر عن أن فالوقت ده كانت الموضات شبه كده، وأنا بقول شبه كده لأني كنت ولد صغير معندوش فلوس نهائي يشتري لنفسه حاجة غالية، ولا عنده أب يشتري له حاجة أصلاً". وأضاف "اللي عايز أقوله إني من يوم الصورة دي وأنا حالف إني اتصورها بجد وأنا مشهور الصورة دي بتثبت لأي شاب إيجابي أن مفيش مستحيل واللي عايز يتريق على الولد اللي في الصورة هقول له يارب تنجح زيه، أنا فخور بالصورة دي وانهاردة بقول للولد الصغير ده أنت راجل عشان حلمت بحلم وحققته، وبدأت من تحت الصفر ووصلت لحلمك بمجهودك وعرقك، وكمان اشتغلت شغلانات كتير فيها شقى وتعب عشان تصرف على أهلك من وأنت في السن ده شكراً يا ولد يا صغير إصرارك عمل مني راجل إنسان فنان اسمه تامر حسني". وتضامن مع تامر عدد من الفنانين، حيث قال الفنان شريف منير "هتخليني أنزل بصوري أنا كمان يا تامر، على العموم اللي بيتريق يبقى يطلع صوره القديمة ويشوف نفسه كان عامل إزاي، أنا فخور بيك وبحبك، لأنك حقيقي راجل وجوّاك أبيض زي الفل، عشان كده ربنا بيكرمك". وأضافت الفنانة عبلة كامل قائلة: "الإصرار سر النجاح، منشور جميل حبيبي تامر أنت قدوة للشباب"، وشكرته الفنانة وفاء عامر بهذه الكلمات " كلامك صح، وشكراً للولد الصغير"، ووصفته الفنانة انتصار برمز الرجولة قائلة "راجل الولد الصغير".