حالة من عدم الرضا انتابت المخرج الشاب أكرم محمود البزاوي، بعد طرح الملصق الدعائي لفيلم "كازابلانكا"، الذي غاب عنه والده النجم محمود البزاوي. ونشر "أكرم"، عبر حسابه الرسمي على موقع التواصل الاجتماعي "فيسبوك"، صورة الملصق وعلق عليها قائلا: "مبدأيا أبويا ماعندوش أي فكرة عن البوست ده.. أنا أبويا طيب ويمكن طيبته دي هي اللي كانت سبب في تأخير نجاحه وأنه كتب من الباطن كتير مثلا زي ما قولت قبل كده، وكان دايما بيعمل حاجات وتنجح ومفيش حد يعرف إنه لي دور في نجاح العمل ده بس اللي كان بيصبره إن ربنا هيعوض.. وبعد ما قدر يوصل بدراعه للي هو فيه لسه في ناس مش مقتنعه بي.. بس ده حقهم لأن مفيش حد عليه إجماع بس طالما مش مقتنع بحد يبقى ماتحرجوش، وابعد عنه أحسن لأنه في نظرك مش الشخص اللي يفيد". وأضاف: "في رأيي الشخصي ناس كتير بتعرف تتصور بس مش الكل بيعرف يمثل.. وآسف لو كنت منحاز أوي في كلامي لأبويا بس زي ما قلت ده أبويا اللي نجاحه بيسعدني أكتر ما بيسعدني نجاحي". وأنهى تعليقه قائلا: "ملحوظة: أبويا قالي إنه عامل دور مهم في الفيلم ده.. ويمكن بيكدب عليا وطالع كومبارس.. ساعتها هاتأسف على البوست". وتفاعل مع منشور نجل النجم محمود البزاوي الكثير من أصدقاء والده، مثل النجم صلاح عبد الله وأحمد السعدني ومي كساب، الذين أكدوا أن والده نجم كبير، وأن الدور الذي سيبقى داخل أحداث الفيلم، أما الملصق الدعائي فلم يتذكره الجمهور بعد ذلك. الجدير بالذكر أن الملصق الدعائي ظهر عليه "أمير كرارة، عمرو عبد الجليل، إياد نصار، غادة عادل، أحمد داش، وخالد أرجنش الشهير بالسلطان سليمان". [more_vid id=" H3EabTf3z6itBkKf033A" title="أمير كرارة يكشف عن البرومو الأول لكلبش3" autoplay="1"]