إنجي وجدان ترد على حكاية "الواسطة".. وتكشف سر مقاطعة الصحفيين
  • Posted on

إنجي وجدان ترد على حكاية "الواسطة".. وتكشف سر مقاطعة الصحفيين

تعيش الفنانة إنجي وجدان في عدد من الأزمات العائلية، التي منعتها من التواصل مع الصحفيين والرد عليهم، وذلك بالإضافة إلى اتهامات متكررة لها بأنها دخلت الفن بالواسطة. وحرصت إنجي وجدان، على الرد على تلك الأمور، من خلال حسابها الشخصي بموقع التواصل الاجتماعي "تويتر"، قائلة: "‏أرجع تاني أقول والله ما ليا واسطة مدخلاني الوسط الفني.. أبويا وأمي دكاترة.. وأصلا كانوا ضد الفكرة تماما.. قرايبي كلهم بعيدين عن الوسط.. دخلت والحمد لله عملت شغل حلو.. وجت فترة مش أحسن فترة.. واتبهدلت واتحاربت من كذا اتجاه.. وكنت كل مرة أقول خلاص كفاية ربنا يبعتلي حاجة كويسة". [rotana_image_gallery rig_images_ids="796141,796142,796143"] وأضافت في تغريدة أخرى: "عمري ما جيت على مبادئي، ولا كرامتي علشان أشتغل.. مش باخد ملايين برضه على فكرة.. والحمد لله أنا بعرف أعيش كويس سواء معايا 5 جنيه.. أو ٥٠٠ جنيه في المحفظة.. عمري ما كنت بشتغل علشان الشهرة والفلوس.. لو كنت بشتغل لسبب منهم كان زماني في حتة تانية". وعن مسلسلها الأخير "طلعت روحي" قالت: "الحمد لله ⁧(طلعت روحي)⁩ أقدر أقول عليه إنه أكبر نجاح ليا.. وأنه هيفضل دايما في قلبي ليه مكانة خاصة.. ومبسوطة الحمد لله من رد الفعل في كل حتة، سوشيال ميديا، أو في الشارع.. وحابة بجد أشكر كل إللي اشتغلوا على العمل ده لأنهم بجد كلهم كانوا حابينه جدا جدا" وحرصت إنجي وجدان على الاعتذار للصحفيين قائلة: "اعتذر لأي صحفي وصحفية بيكلموني اليومين دول.. لن أستطيع الرد على أي مكالمات بسبب بعض الظروف الصحية والعائلية.. شكرا وآسفة جدا". يذكر أن اخر أعمال إنجي وجدان كان مسلسل "طلعت روحي"، الذي حقق نجاحا واسعا، ولقي رواجا كبيرا على السوشيال ميديا.