علّقت الإعلامية المصرية ريهام سعيد على حكم حبسها 18 شهراً على خلفية إدانتها في قضية فتاة المول. وكتبت تعليقاً على هذا الأمر على صفحتها الخاصة بـ"فيس بوك": "النهارده بلدي كرمتني بعد ١٣ سنة بعالج كل الناس وبخدم كل الي حواليه، بعد ١٢ سنة فتحت مدرسة لذوي الاحتياجات الخاصة وعالجت آلاف الأطفال بفضل الله مانمتش وماكلتش، حتي فلوس والله ما أخدت، ضيعت عمري عشان أعمل حاجة للبلد دي، ضيعت حلم التمثيل اللي تعبت فيه في الجامعة عشان ماسيبش الناس الغلابة، كنت ماشيه عكس التيار عشان أقول الحق، أخدت النهارده سنة ونص سجن، كنت بلف العالم أدور على علاجات جديدة للناس الغلابة وعمري ما قصدت ولا حاولت أشهر بحد". وأضافت: " الإعلام مفهوش حاجة اسمها ستر مع أني ماتكلمتش لحد دلوقتي، ساعات الحقيقة بتكون فضيحة، كل الناس الي بتغلط وتشتم وتشهر بجد نجوم دلوقتي، المحامي بيقولي ده أمر من فوق.. فوق فين؟؟؟؟؟ كنت بقول تحيا مصر ويحيا العدل.. فين العدل؟ ريهام سعيد مجرمة، لكن مرتضى مثلاً عمره ما شهر بحد.. خسارة يا بلدي خسارة مجهودي خسارة يا مصر". يذكر أن الحكم الذي صدر على ريهام سعيد اليوم ليس نهائياً لإمكانية استئنافها عليه.