أعرب المطرب الفلسطيني ليث أبو جودة عن اشتياقه للجمهور، في تغريدة عبر حسابه بموقع "تويتر"، كما وجّه ليث من خلال عدد من التغريدات طلباً إلى جمهوره بإيقاف التصويت له بأي مسابقات خلال الفترة المقبلة، خاصة التي تستغل الجمهور من أجل تحقيق شهرة.وقال ليث: "يا حبايبي يا رب أنتو بخير ..أنا كتير اشتقتلكو بس بدي أحكي لكو شغلة أرجو تتفهموها، طول عمركو واقفين جنبي و ما خذلتوني و أنتو بتشرفو أي فنان بس بدي أطلب منكو ما تشاركو بأي مسابقة بتيجي من أي موقع تواصل اجتماعي، لأنو هاي المواقع بتعمل هيك مسابقات بس عشان تنعرف و تنشهر، ومعلش ازهقت هي خلقات مصلحجية".وتابع: "طول عمري لطيف بالتعامل بس ما بحب حدا يتمصلح على حساب تعبكو..لهون و بس..بكفي نصب واحتيال، لما تكون أول و بقدرة قادر تتحول لخامس أو العكس يصير معناه نصب و احتيال. أي مسابقة لازم تبقى معروفة وإلها تاريخها الي يشهد عليها، لهيك أنا بطلب منكو ترتاحو و توفروا جهدكو أرجوكو... ما بقبل حدا يستغلكوا أبداً و لو حتى بدي أبطل اشتغل..أنتو عندي بالدنيا".على صعيد آخر أحيا ليث مساء أمس حفلاً غنائياً جماهيرياً، على مسرح "درب" بمنطقة مصر القديمة، التي شهدت حضور جمهور ضخم ، وقدّم خلالها عدداً كبيراً من الأغنيات القديمة والجديدة بالإضافة إلى أغنيته المنفردة "الله يسامحنا".