أطلق منذ أيام الفنان تامر حسني سؤال لجمهوره عبر صفحته الرسمية بموقع "فيسبوك" عن أحلامهم الذين يتمنّون تحقيقها بالمستقبل، وأكد أنه سوف يشاهد جميع التعليقات ويرد عليها خلال يومين.وبالفعل نفّذ تامر وعده للجمهور، وشاهد جميع التعليقات وعلّق عليها قائلاً: "أولاً ربنا يحقّق لكم كل أحلامكم ويفرح قلوبكم ويشفي كل مرضانا وينصر شعوبنا العربية، ثانياً أنا فرحان جداً إن الموضوع أخد شكل إيجابي من ناحيتكم وكل واحد قال اللي في قلبه بجد و شوفوا يا جماعة أنا حبيت أتكلم وادخل جواكوا لأسباب كتيرة أولها إني بحبكوا والأهم إن أنا نفسي كلكوا تنجحوا وتحقّقوا أحلامكم وعارف تماماً أن الفترة دي صعبة في حياتنا كلنا والجيل دة فعلاً عاش فتره صعبة من التخبط وفجأة شاف حاجات كان لا يمكن يتخيلها أنا قرأت كل كلامكوا وفرحت أوي إن كُلكوا عندكوا أحلام لأن مهم جداً انكوا تحلموا مهما كانت الظروف صعبة لازم تحلموا وأوعوا تتخيلوا إن الأحلام مش بتتحقق".وضرب تامر بحلمه المثل بنفسه للجمهور وكيف حقّقه في ظروف صعبة مرّ بها قائلاً: "أنا قدامكوا أهو بدأت من تحت الصفر في ظروف مادية منعدمة وفي انفصال أسري و تعبت وسهرت واتجرحت وياما ناس اتريقت على طموحي وأحلامي وقالوا لي يابني أنت مجنون ورغم أن مكانش معايا فلوس خالص ولا عربية ولا حتى عجلة بس كان معايا أسلحه رهيبة أقوى من أي شيء ١-إيماني بأن لكل مجتهد نصيب ٢- الأمل ٣-الصبر ٤-العناد. ٥- الاجتهاد وحاجه مهمة آوي ٦-معرفة قيمة الوقت وأنت وشطارتك هتستثمره في إيه لازم كل واحد فينا يخطط لمستقبله من اللحظة دي ويقسم بالله أنه من اللحظة دي هياخد أول قرار لتغيير مسار حياته للأفضل مثلاً يمتنع عن صفة أو عادة سيئة فيه ويبدأ صفحة جديدة مع نفسه".