كشف الفنان السوري قصي خولي عن حسابه المزور بـ«فيسبوك» والذي يستغله شخصٌ يسيء له ولسمعته بشكل كبير، مما اضطره إلى توضيح هذا الأمر المهم لجمهوره.ونشر على صفحته الخاصة بـ«إنستغرام» صورة تؤكد حسابه الرسمي والوحيد على «فيسبوك». وكتب تعليقاً على الصورة: «غوالي هذا الحساب المزور ويلي عم يطلب من الناس طلبات واطية وغير شريفة بتشبه نفسيتو المريضة ، قال عندي مسلسل مصري سوري وأنا وعم أعمل كاستينغ لحتى اختار صبايا مناسبات للمسلسل وأصنع منهم نجوم، هلأ للأسف في بعض الناس عم تصدق هي السخافات وعم تتواصل معو وعم تبعتلو صور وأرقام تلفونات وعم يعطيهم موعد ويقابلهم وعلى أساس أنا مشغول فا عم يقعد معهم مدير أعمالي أو بعض المسؤولين عن العمل.. يا جماعة أرجوكم مو معقول الناس تصدق هي كذب.تواصلت معي مدام من مصر أنو بعتت صور بنتها وأنو راح مرتين ما قدرو يشوفوني لأني كنت مشغول وكمان مدام لبنانية راحت تعمل (أودشن) وصبية سورية كمان راحت وحطت صورها وناطرة موعد. شكرا لحبكم ولثقتكم فيي بس الرجاء الانتباه هذا إنسان نصاب ومسيء الكن والي وفي من أمثالو كتير وأنا على فرض عندي هيك مسلسل وحابب أستعين بالناس رح أطلب من خلال قناة محترمة وموثوقة ورح سجّل هذا الشي صوت وصورة الرجاء الانتباه .!!!!!!!!!!!! الحساب الأول في الصورة هو المزور والتاني هو حسابي (على الفيسبوك) الأول عندو متابعين تقريباً 3 آلاف وشوي هذا مو حسابي شكرا إلكم ومحبتي وبوسات لعيونكم الغالية».