طرح الفنان عبدالمجيد عبدالله اغنيات البومه الجديد عبر اليوتيوب وجميع المنصات الرقمية وتعاون فيه مع الشاعر تركي والمُلحن طارق محمد وانتاج شركة روتانا والذي يتضمن 6 اغنيات.
وروجت الصفحات الرسمية لشركة روتانا على مواقع التواصل الاجتماعي لاغنيات الالبوم اضغط من هنا للمشاهدة
وطرح اغنية أحتاجلك من كلمات الشاعر تركي والمُلحن طارق محمد وتوزيع : جلال حمداوي مكس: جاسم محمد اضغط من هنا للاستماع
وتقول كلماتها
احتاج لك في حياتي …يا حياتي تعال احتاج لك جنب مني بالحقيقه .. مو صدى صوت وخيال اطلبك وادري …اني اطلب المحال بس ما يرضي غروري ..شي اقل من المحال ابغاك انا بالنور …ما بي ظلامك احتاج اجاهر بك فخر …مخفي غرامك شفني انا دم ولحم واقف امامك اوقف امامي … إشهر الحب هيّا امِّا نكون وامِّا عسى ما يوم كنّا العمر واحد مابقى لايضيع منّا آبيك من قلبك انا ما ابيك منّه ابسط حقوقي ماطلبتك عطيّه
وطرح اغنية يا منيتي من كلمات المذهب : احمد فضل القمندان الكوبليهات تركي تطوير واعداد : طارق محمد توزيع : عمر الصباغ مكس: جاسم محمد اضغط من هنا للاستماع
وتقول كلماتها
يامنيتي وانت تدري انا فيني عتب يا منيتي يا سلا خاطري وانا احبك من زمان وانت تدري تبدا الجفا ثم تهجرني وانا احبك موحرام اقدّم اعتذاري مين انا حتى اعترض الصفح عادات الكرام سامح حنيني واعذره واللهفه اللي جرّأتني والهيام انا مالي حكي من بعد حكيك ياحبيبي غير حاضر سم تمام آمر جعل مايامر علي غيرك بعد أمرك خلص كل الكلام ابعد لو بعادي يسعدك روح القمر وارجع هنا لي بعد عام والاّ ثلاثه واربعه خذ راحتك انت المهم والإهتمام
وطرح اغنية أبا عيش من كلمات الشاعر تركي والمُلحن طارق محمد وتوزيع :عمر الصبّاغ مكس : جاسم محمد اضغط من هنا للاستماع
كلمات الأغنية
اباعيش و لا ابغى اشوفكم يوم القيامه يوقف الظالم والمظلوم امام الحاكم العادل جاير المضيوم وياخذ كل احد حقه امامه لاجل هذا … محلل بايح مسامح و لا ابغى اشوفكم يوم القيامه سـامح الله قلبي اللي كان يغليكم وعيني اللي ماتصدق شوفها فيـكم كنت في غيبـوبتي بلا وعـي ارجيكم ذاك اول …. وانا الحين ماابيكم ابعيش من حقي انا اعيش انكتب لي عمر ثاني ابنساكم ابعيش ابعيش استاهل ابعيش ولا باشيل في قلبي ابعيش لاجل هذا … محلل بايح مسامح و لا ابغى اشوفكم يوم القيامه
وطرح اغنية خلاص ما بي من كلمات الشاعر تركي والمُلحن طارق محمد وتوزيع جلال حمداوي مكس : جاسم محمد اضغط من هنا للاستماع
كلمات الأغنية
خلاص مابي رح بمثلك دعيت الله يبليك خلاص مابي كرهت الهوى وكرهت طاريك روح تفكر بك ترا حالك صعب فكك عقد نفسك بنفسك يالتعب خلاص مابي من عرفتك مااعرف الا الهم والجرح خلاص مابي تعب قلبي من التبرير والشرح حكي معيود وفكره ملها التكرار والطرح خلاص مابي غير الموضوع ماتعبت من الكلام تعبت انا عنك ماخجلت من الوعود اللي كل مره تعود وحدها عندي تعتذر عنك مامليت انا مليت متى هذا الملف بينقفل ياليت
وطرح اغنية حكى واجد من كلمات الشاعر تركي والمُلحن طارق محمد وتوزيع جلال حمداوي مكس : جاسم محمد اضغط من هنا للاستماع
كلمات الأغنية
حكى واجد وبـرّر لي كثير اسباب ماخلّى عذر بالكون الاّ جاب ناظرته بعيون وداع حبيبي من يديني ضاع نـوى بـيـروح .. ويـبي مني طلب واحد اخير أقول له مسموح حضنته حضن أتمنّي احضنه من يوم لاقيته لكنـي خجلت وقلت وقته يحين وخلّيته حضن يساوي الدنيا ووجعه اللي في قلبي الحين حل بيته وناظرته بعد وبشوق قلتللله فمان الله بحفظ اللي بيردّك لي بحوله وقوّته يالله اهلاً وسهلاً ياوجع حبيبي ياجرح لاتبرا ولاتطيبي انت اللي باقي منّه وماعندي اعز منّه اهلاً وسهلاً ياوجع حبيبي
وطرح اغنية أحط راسي من كلمات الشاعر تركي والمُلحن طارق محمد وتوزيع جلال حمداوي مكس : جاسم محمد اضغط من هنا للاستماع
كلمات الأغنية
أحطـ راسي .. على صدرك .. واسلّم على القلب اللي يغليني .. ولا يقدر يخلّيني ولو فارقتني غاضب .. يكسّر في عنادك ثم يردّك لي غصب عنّك .. تراضيني واسلّم اسلّم لك .. ولاترتاح روحي .. لين اسلّم لك واسولف لك سوالف للسما .. تاخذِكْ سِلّم لك .. وتتوسد سحابه ..واسبقك للحلم واحلم بك اجل كيف .. وهل ممكن .. وهل يعقل .. تحلم حلم ماني به ولو ضيف واشوفك من بعيد اقبل اي شي منكْ راضي به لكن لوتشاغل بالحلم غيري بعدّيها الوعد لا من صحيت تشوف عينك هذي اللي ناظرت غيري ببكّيها كيف تجرأ غير عيني تشوف وازوّدهـا وتزعـل .. وبامر القلب تقبل .. واحطـ راسي .. على صدرك .. واسلم
عبدالمجيد عبدالله مغنٍّ وملحنٌ سعودي يمتلك قاعدة جماهيريه كبيرة في المسرح وتمتاز حفلاته بتقديم عدد من الليالي له نظراً للإقبال الكبير على حفلاته في السعودية وكذلك الخليج. جاءت بدايته الفنية حين اكتشف إبراهيم سلطان موهبته في الموسيقى والنشاط المسرحي، فذهب به إلى الإذاعة في جدة، ليغني فيها للمرة الأولى بحياته، حيث قدَّم أغنياتٍ لعبدالحليم حافظ، وشريفة فاضل، وطلال مداح.
وأحيا عبدالمجيد أول حفلةٍ في مسيرته بنادي الاتحاد السعودي، وكان عمره 13 عاماً، ليتعرَّف بعد ذلك، عبر جمعية الثقافة والفنون في جدة، إلى عددٍ من الملحنين، ويتعاون معهم في أعمالٍ عدة، قبل أن يسجِّل أغنياتٍ لقنوات التلفاز، منها: "حبايب وقت ما يبغوا"، من كلمات صالح جلال، وألحان حسن تمراز.
شجَّعه الملحن سامي إحسان على متابعة مشواره، وأخذه معه في رحلةٍ فنيةٍ إلى القاهرة، العاصمة المصرية؛ من أجل تسجيل بعض الأغنيات، وكانت هذه المرة الأولى التي يسافر فيها عبدالمجيد خارج السعودية.
وترك "إحسان" بصمةً كبيرةً في مسيرة الفنان السعودي، وقدَّمه للساحة الفنية بشكلٍ منظَّمٍ وبأعمالٍ مميزةٍ في مصر.
كذلك استفاد عبدالمجيد من تجربة الفنان طلال مداح إذ شاهده في الأستوديو خلال تسجيل بعض أعماله، وتعلَّم منه طريقة التعامل مع زملائه. وفي هذه المرحلة، سجَّل عبدالمجيد أربع أغنياتٍ من ألحان سامي إحسان؛ هي: "الصبر مفتاح الفرج"، و"بارق الثغر" من كلمات إبراهيم خفاجي، و"إيش علينا" من كلمات طلال سريحاني، و"شفتك وفي عيونك حزن" من كلمات الأمير محمد الفيصل. كذلك قدَّم من ألحان سامي أغنياتٍ عدة، من أهمها: "سيد أهلي"، التي اشتهر بها، من كلمات إبراهيم خفاجي، وغنَّاها بعد عودته من القاهرة في مسرح التلفزيون، وحققت نجاحاً كبيراً.
وتوالت نجاحات الفنان السعودي في الألبومات التي طرحها، والحفلات التي أحياها على مدى سنوات، لكنه ابتعد فترة طويلة بعدها عن إحياء الحفلات الغنائية؛ بسبب ظروف مرضه، وجاءت عودته في ليلة تكريم أسير الشوق، ضمن موسم الرياض قبل عامين، عبر شاشة المسرح، كذلك شكَّل مفاجأة حفلة رأس السنة التي أُقيمت في الرياض، حيث حضر وغنَّى فيها مع عددٍ من نجوم الغناء في الخليج والوطن العربي، وطالبه الجميع وقتها بالعودة إلى تقديم الحفلات مجدداً، وبالفعل قدَّم حفلات في الرياض، وجدة، ودبي، والبحرين، والكويت، وافتتح وقتها أولى حفلات موسم الرياض بـ2023، بالإضافة إلى تقديم عدد من الحفلات كانت آخرها جولة المملكة 2024 والفعاليات المصاحبة لبطولة كأس العالم للرياضات الإلكترونية في الرياض.
