علقت الفنانة زينة ، على حكم القضاء برفض طعن الفنان أحمد عز بشأن نسب توأمها. كانت محكمة استئناف اﻷسرة المنعقدة بمجمع محاكم القاهرة الجديدة، اليوم الأحد، قضت برفض الطعن المقدم من «عز»، على الحكم الصادر من محكمة أسرة مدينة نصر، برفض بطلان حكم ثبوت نسب الطفلين «عز الدين» و«زين الدين» توأم الفنانة زينة له. ونشرت الفنانة، صورة لـ«عز»، عبر حسابها الشخصي على موقع تبادل الصور والفيديوهات «انستقرام»، وعلقت عليها قائلة: «الحمد لله النهاردة كانت أخر قضية رافعها علينا الشيطان.. والحمد لله مايقدرش الشيطان يرفع أي قضية تاني.. الموضوع اتقفل نهائياً ورفع علينا كل القضايا اللي ممكن تترفع، والحمد والشكر لله ربنا كرمنا وخسر كل القضايا، الشيطان ده قبل مايخسر كل القضايا خسر نفسه اللي مش موجودة أصلا وضميره المعدوم وحتي شكله اللي بقي استغفر الله العظيم». [rotana_image_gallery rig_images_ids="434802,434803"] وأضافت: «نصيحة ليكم إياكم والظلم إياكم والقسم بالكذب، كلمة أقسم بالله بالكذب بتهز السموات، بص يا شيطان كل القضايا اللي ينفع ترفعها خسرتها، كبيرك تتكلم في سمعت أم ولادك وأنت عارف بتقول كده، عشان تثبت كذبك». ووجهت زينة الشكر شكر إلى محاميها الخاص قائلة: «شكرًا الأستاذ الكبير المحترم معتز الذكر المحامي اللي تعب معايا خلاص ارتاح من قلقي والصداع اللي عملتهوله، ومبروك يا أستاذ معتز علي قدوم القمر زينة الصغيرة، وربنا يكرمك ويخلي زينه وعبدالله، كملت مسيرة الأستاذ الكبير محمد الدكر الله يرحمه يارب، شكرًا الاستاذ: عاصم قنديل المحامي الكبير اللي بعتبره واحد من أهلي، أنا تعبتك اوي يا أستاذ ربنا يخلي حضرتك». وتابعت: «أرجوكوا سامحوني على الصورة دي واعرفوا إنها مخوفاني، أنا كمان والله للأمانة ماكان هو ده شكله، بس الظلم والقسم كدب بينزل غضب ربنا علي أغلي حاجه عند الإنسان، وده أغلي حاجه عنده وشه، بعتذر على بشاعة المنظر، دي أحدث صورة للشيطان لقيتها في وشي معلش وهاشيلها كمان شويه». قد يعجبك أيضا: مسلسل أزمة نسب [vod_video id="TqN2FvUnmNFqdCXPUukQ2Q" autoplay="1"]